Татар эстрадасы йолдызлары Яңа ел корпоративларында ничә сумга чыгыш ясый?

17 декабрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Дарья ПРИЩЕПА, sntat.ru
Эстрада йолдызларының акча эшләү чоры - яңа ел корпоративлары башланды. “Татар-информ” хәбәрчесе җырчыларның бәйрәм бәяләрен белеште.

Миллион сумлык чыгышлар

Иң элек шуннан башлыйк - татар җырчылары прайсында үзгәреш бар: йолдыз-малай Элвин Грей Татарстанның һәм Башкортстанның халык, Россиянең атказанган артисты Салаватны кысрыклап чыгарырга да мөмкин.

Бәйрәмнәр оештыручы агентлыкларның берсе хәбәр иткәнчә, Салаватның “эш көннәрендәге” бәясе 600 – 800 мең сум тирәсе тора, ә Яңа ел корпоративларында 1 миллион сумга да җитәргә мөмкин. Ә 1 декабрьдә “Татнефть-Арена”да концерт куйган Элвин Грей шәхси чарада 500 меңгә җырларга да риза, тик бу Яңа ел корпоративларыннан тыш. Димәк, Элвин Грей чыгышының бәйрәм бәясе дә, Салаватныкы кебек үк, миллионга кадәр җитәргә мөмкин.

Сүз уңаеннан, биш ел элек, 2013 елда Салаватның чыгышы 2,5 тапкыр кимрәк – 400 мең сум булыр иде. 

Уразова арзанрак

Хәзерге вакытта Элвин Грей белән "Красивая, хороший" җырына авторлык хокуклары буенча ызгышта булган Гүзәл Уразованың бәяләре тыйнаграк. Татарстанның атказанган артисты исемен йөртүче җырчының стандарт бәясе – чыгыш өчен 100 мең сум. Шоу-индустрия белгечләре ышандырганча, Яңа ел алдыннан бәяләре 150-200 меңнән дә ким булмаячак.

Җырларга һәм көләргә

"Көлдергеч" артист Данир Сабировның Яңа ел корпоративындагы чыгышы 100 мең сумга төшәчәк. Бонус: бу бәягә бер башкаручы гына түгел, ә тулы коллектив чыгыш ясаячак.

Данир Сабировны корпоративка чакырырга акча җәлләүчеләр аны татар дәүләт филармониясендә 2 һәм 3 гыйнвар көннәрендә тыңларга мөмкин. Юмористик шоуга билет бәясе 500-1500 сум тора.

Яңа ел корпоративын “Казан егетләре” төркеме якынча 100 меңгә дәртләндереп җибәрәчәк.

Гаилә парлары Азат-Алсу Фазлыевлар, Булат Бәйрәмов һәм Ләйсән Гыймаева, татар "мачосы" Мөнир Рахмаев та якынча шушы бәя категориясенә керә.

Бәйрәм чарасында татар җырына иң түбән бәя 1 меңнән башлана. Бу бәягә яңа эшли башлаган җырчылар, консерватория студентлары чыгыш ясый.

P.S. Материал әзерләнгән вакытта, бер агентлык вәкиле, “графикны чагыштырып карап”, Салаватның йөз кешелек бәйрәм чарасында миллионга түгел, ә 650 меңгә чыгыш ясарга мөмкин икәнен әйтте. 


  Без Инстаграмда

Фикерләр








Шоу-бизнес

Марат Галимов: “Артур-Марат” дуэтын таркатучы мин түгел

“Казан егетләре” төркеменең һәм “Артур-Марат” дуэтының экс-солисты Марат Галимов "Татар-информ"га интервьюсында "Артур-Марат" дуэты таркалу буенча үз аңлатмасын бирде һәм Артур Минһаҗевның интервьюсына фикерен белдерде.

Шоу-бизнес

Гөлназ Сираева: “Ирем белән аерылышсак та, дуслар булып кала алдык”

“Кайтабыз да китәбез шул, безне дә аңла инде”, - дигән җыр җырчы Гөлназ Сираевага татар эстрада сәхнәсендә үз урынын булдырырга ярдәм итте. Сез әлеге җырны хәтерлисезме? Гөлназ турында популяр иде дип әйтү дөрес микән? Ни өчен ул 7-8 елга сәхнәдән югалып торды? Аның шәхси тормышында нинди үзгәрешләр бар? "Интертат" Гөлназның үзе белән аралашты.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла