Радик Юльякшин: “Гүзәл Уразова янына барып, хәлләрен сорашачакмын”

2 ноябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Чулпан ШАКИРОВА
Фото: Солтан Исхаков
Радик Юльякшин белән Гүзәл Уразова арасыннан кара мәче узганга әле бер ай да юк. Артистлар үзара “Красивая-хороший” җырына булган хокукларын бүлешүдән башланды ул. Әмма шул кыска вакыт эчендә бу низаг Уразовага да, Юльякшинга да шактый популярлык китерде.

Билгеле булганча, конфликт чишелеп, мәсьәләгә әле нокта куелмаган.

“Татар-информ” хәбәрчесе бүген агентлык уздырган матбугат очрашуында Радик Юльякшиннан шул хакта сорады.

- 11 ноябрьдә Мәскәүнең Кремль сараенда “Татар җыры” узачак. Анда Гүзәл Уразова да, сез дә катнашасыз. Егетлек күрсәтеп, шул көнне Гүзәлгә беренче дәшәргә дигән уегыз юкмы? Дуслашу өчен беренче адымны ясаячаксызмы?” – дигән сорауга Радик болай дип җавап бирде.

– Гүзәл Уразова белән минем арада ниләр килеп чыкканы барыгыз да белә инде, сөйләп торырга кирәкми.

Әлбәттә, барып күрешеп, хәлләрен, кәефен сорашачакмын. Безнең арада килеп чыккан проблема – эш процессы. Әмма “Красивая, хороший”га бәйле эш әле бетмәде. Гүзәл дә әле соңгы сүзен әйтмәде, минем дә әйтелеп бетмәгән сүзләрем бар. Монысын инде сөйләшербез. Кыскача әйткәндә, “продолжение следует” диде.

Радикка кушылып “Элвин Грей” лейблының башкарма директоры Семен Прошко да үз фикерен белдерде:

– Нигә бу гамәлләрне халыкка чыгардыкмы? Кызганычка, монда авторлык хокуклары мәсьәләсе ята. Бу мәсьәләгә халыкның игътибарын җәлеп итү – беренче очрак булды, - диде ул.

“Элвин Грей” лейблының юристы Анна Попованың исә мәсьәләгә карашы мондый:

– Бүген Хәкимова мәнфәгатьләрен кайгыртучы вәкил белән сөйләшүләр алып барыла. Җәмәгатьчелек тә, сез дә бу конфликтны Гүзәл белән Радик арасындагы киеренкелек итеп кабул итмәсәгез иде. Бу очракта конфликт хокуклар мәсьәләсендә килеп туды һәм Элвин Грей лейблы үзенә ни тиеш – шуны гына яклый. Шуңа күрә бу мәсьәлә социаль челтәрләргә чыкты. Бу проблема бар һәм нигә әле аны тамашачы белмәскә тиеш? Татар-башкорт эстадасы әле авторлык хокукларына карата хаос кебегрәк карый, күпләр моның турында уйламый да. Җыр ул бүген – бик зур иҗади эш. Анда берничә кеше катнаша, вакыт һәм акча ягыннан да кыйммәткә төшә, ротациясе кирәк. Бу җырны чыгаручы әлеге продукт киләчәктә дә үзенеке булсын өчен тырыша. Бүген лейбл шуның белән шөгыльләнә дә инде, үз артистларын, үзенә ни тиеш – шуны яклый.

Радик – иҗат кешесе. Мондый процесслар аңа, алга таба иҗат итәргә аяк чала, - диде юрист. 

  • 6 октябрьдә Элвин Грейның Инстаграм челтәрендә җырчы Гүзәл Уразованы караклыкта гаепләгән язма чыкты. Ул "Красивая, хороший" җырына авторлык хокукларын үзләштерүдә җинаять билгеләре бар дип язды. Гүзәл Уразова Элвин Грейның бу мөрәҗәгатен “кабәхәтлек” дип атады. Ул да, үзенә карата әйтелгән сүзләргә җавап буларак, Инстаграм челтәренә видео урнаштырды. Элвин Грейның продюсеры Александр Слюсаренко Гүзәл Уразова гамәлләрендә җинаять бар дип әйтергә тели. Бу эшне хәзер юристлар тикшерә.


  Без Инстаграмда

Фикерләр








Шоу-бизнес

"Парла гомеремне, Мәрьям!.." Раяз Фасыйховның "Үзгәреш җиле" чаткылы попса концертыннан репортаж

Концертларның төрлесе була. Оперетталар концерты, халыкчан моңлы җырлар тамашасы, джаз, рок һәм башкалар. Өч сәгать буена бары тик операны яисә татар халык җырларын гына тыңлап утыра алмаган кешеләр Раяз концертына барсын. Анда барысы да бар: опера да, “Үзгәреш җиле” чаткылары да, попса да.

Шоу-бизнес

Рөстәм Сәрвәров: “Совет заманыннан калган исем бирүләр кайчан да булса бетәр дип уйлыйм мин”

“Аксу” студиясе җитәкчесе, автор-башкаручы, продюсер Рөстәм Сәрвәров “Интертат” хәбәрчесенә бүгенге татар эстрадасы, продюсерларны ташлап киткән артистлар, шәхси карьерасы һәм шоу-бизнес кагыйдәләре турында сөйләде.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла