Юл фаҗигасендә сеңлесен югалткан Гүзәл Хөснетдинова гаиләсенә тагын кайгы килгән

Күптән түгел үзенең 28 яшьлек сеңлесен җирләгән блогер Гүзәл Хөснетдинова гаиләсенә тагын кайгы килгән. Ул үзенең карынындагы сабыен югалткан.

Гүзәлнең сеңлесе, «Хозур» кафесы җитәкчесе Лилия Гафурова юл һәлакәтенә эләгеп һәлак булды. Аның 9 яшьлек кызы ятимә калды. Бу хәсрәтләр эзсез узмаган –  табиблар әйтүенчә, Гүзәлнең баласы каты борчылуы нәтиҗәсендә төшкән. Бу хакта «Ут хатын» социаль челтәрләрдә яза. 

«Йөкле булуымны сездән булдыра алганча яшерергә тырыштым. Күз тидерүдән курыктым. Ләкин менә шундый хәл килеп чыкты. Баланың йөрәге без Татарстанда вакытта ук туктаган инде. Мин моны белмәгәнмен», – дип сөйләгән блогер.

Бу Гүзәлнең алтынчы йөклелеге булган  Блогер моңа кадәр дә бер баласын югалткан инде. Бүгенге көндә алар ире Рушан белән дүрт бала тәрбияли. Блогерның үз сөйләүләре буенча, гаилә һәлак булган сеңлесе Лилиянең кызы Латыйфаны да үз балаларыдай карап үстерә. 

• Гүзәл Хөснетдинова сеңлесе һәлак булган юл фаҗигасе турында сөйләгән

• Блогер Гүзәл Хөснетдинованың 28 яшьлек сеңлесе һәлак булган

• Юл фаҗигасендә үлгән Лилия Гафурова турында: «Җаны чыкканда сәҗдәгә киткән кебек яткан»