Үзен тәрбиягә алган 54 яшьлек Айсылуга өйләнгән Даниил Чижевскийны кыйнаганнар

Төрле гаугалар аша популярлашкан Даниил Чижевскийны Казандагы бер бар янында кыйнаганнар. Нәтиҗәдә Даниилның ике кабыргасы сынган, битенә зыян килгән, баш мие селкенгән. Бу хакта «Я из Татарстана» Телеграм-каналы хәбәр итә.

Ул төнне Даниил дуслары белән клубта уздырган. Ә инде китәр вакытлары җиткәч, алар урамда «сөйләшергә теләүчеләргә» юлыкканнар.

Даниил сүзләренчә, бар хезмәткәрләре егетләргә, сак хезмәте килеп җиткәнче генә булса да, барга кереп яшеренеп торырга рөхсәт итмәгән. «Ә бит алар урамда безгә бәйләнергә теләгән төркем басып торуын белделәр», – дип сөйләгән блогер.

Нәтиҗәдә, блогерны һәм аның дусларын шактый каты кыйнаганнар.

Бар җитәкчелеге исә бернәрсә дә күрмәүләрен, белмәүләрен әйтеп, әлеге вакыйга турында комментарий бирүдән баш тарткан.

Даниил Чижевский үзен тәрбиягә алган 54 яшьлек Айсылу Чижевская-Мингалимовага өйләнеп, үзенә игътибар җәлеп иткән иде. Пар ЭКО ясатырга һәм әти-әни булырга җыена, дип тә язган идек.

Бу темага:

• Тәрбиягә алган егеткә 53 яшьтә Айсылу кияүгә чыкты: «Иң мөһиме – күңел яшь булу»
• Айсылу – Даниил пары турында: «Популяр апаларына ияреп йөргән егетләр танылып китте»
• Айсылу Чижевская-Мингалим тәрбиягә алган һәм ире иткән улыннан бала алып кайтырга ниятли
• Тәрбиягә алган егеткә кияүгә чыккан Айсылу 54 яшьтә ЭКО ясаткан