Тукай районында янгын корбаннарын соңгы юлга озату – онлайн трансляция
Мәрхүм Айнур Гарданов белән хушлашырга бертуган апа-абыйлары һәм әнисе ягыннан туган сеңелләре килгән. «Биш бала үстек, арабызда иң тынычы, иң йомшагы, иң эчкерсезе Айнур иде. Хатынын һәм балаларын яратып яшәде. Бер-берләренә «матурым» дип кенә тордылар», – ди алар.
Янгын корбаннарын җир куенына иңдерделәр.
«Әлеге фаҗигада без барыбыз да гаепле. Өлкәннәрнең карап бетермәү нәтиҗәсе», – диде Тукай районы башлыгы Ф.Камаев.
Авыл халкы Гардановларны «эчкәннәр» дип язган СМИларны ачулана.
Якыннарын озатырга килгән Эльмира Гарданованы тынычландыра торган дарулар белән генә тоттылар. Бер мизгелдә ирен, әнисен һәм берсеннән-берсе кечкенә 4 баласын югалткан Эльмира тораташтай катып, күзләрен бер ноктага текәгән... Хәтта өзгәләнеп еларлык дәрәҗәдә дә түгел. Хушлашу мәрасимендә Эльмираның әтисе, янгында һәлак булган ире Айнур Гардановнын апа-абыйлары да бар иде.
Тукай районы имам-мөхтәсибе Инсаф хәзрәт Сәүбәнов янгын корбаннарына җиде җеназа намазы укыды.
Җеназа уку…
Фото: © Гөлназ Хәбибуллина
Фаҗигадә исән калган бердәнбер кеше – 4 баланың әнисе Эльмира Гарданова.
Фаҗигадә исән калган бердәнбер кеше – 4 баланың әнисе Эльмира Гарданова
Фото: © Гөлназ Хәбибуллина
Зират янына кеше җыела.
Бүген Тукай районы Сәет авылында 18 июнь көнне чыккан коточкыч янгын корбаннарын соңгы юлга озатачаклар. Фаҗигадә 7 кеше, шул исәптән 4 бала һәлак булды.
