Тукай районы башлыгы Фаил Камаев Украинада һәлак булган ике бертуган – Артем һәм Станислав Шамукаевларның әнисе Гулафира Захаровна янында булып, аңа күчтәнәчләр тапшырган. Бу хакта район башлыгы үзенең «ВКонтакте» сәхифәсендә яза.
«Махсус хәрби операциядә хезмәт итүче райондашларыбызның гаиләләрен игътибарсыз калдырмадык. Бүген сугыш кырында һәлак булган каһарманнарыбыз – Артем һәм Станислав Шамукаевларның әниләре Гулафира Захаровна янына бардык.
Май ае бәйрәмнәре алдыннан махсус чакырылышта булган райондашларыбызның гаиләләренә йөрибез», – дип язган ул.
Тукай районы Шилнебаш авылы егетләре Артем һәм Станислав мобилизациягә эләгеп, Украинада һәлак булды. «Интертат» сайты, мәрхүмнәрнең әнисе һәм якыннары белән сөйләшеп язма әзерләгән иде. Аның белән түбәндә танышырга мөмкин:
- Тукай районында мобилизация белән Украинага киткән ике бертуганны соңгы юлга озатканнар
-
Украинада үлгән ике бертуганны җирләгәндә: «Туегызга да шулай җыелган булыр идек…»
-
Фото: © https://vk.com/id731476385
Фото: © Захар Гуринович фотосы
