«Татар радиосы»ның 20 еллык юбилей концертында катнашмаучылар үпкә белдергән
Бәйрәм концертында татар эстрадасының унҗиде популяр җырчысы чыгыш ясаячак.
Казанның «Татнефть-арена» боз сараенда «Татар Радиосы»ның 20 еллык юбилей концерты үтә. Гөлназ Сәфәрова әйтүенчә, концертта катнашырга теләүчеләр, хәтта чакырмаган өчен үпкәләүчеләр дә булган.
Әлбәттә, үпкәләүчеләр бар. Ә нишләп мин бер генә җыр җырлыйм, ә нишләп мин гомумән катнашмыйм дип әйтүчеләр булды. Аңлашыла, барысын да сыйдырып бетереп булмый. Иң-иңнәрен алдык та, калганнары калды дип әйтергә теләмибез. Талантлы һәм популяр җырчылар бик күп. Ләкин безнең болай да биш сәгатьлек программа көтелә, алайса унбиш сәгатьлек программа ясарга туры килер иде, - диде Гөлназ Сәфәрова.