Татар китабы йортында «Йолдыз» беренче татар газетасына багышланган лекция үтәчәк

Лекция форматында үткәреләчәк кичәгә спикер буларак Татарстан Язучылар берлеге әгъзасы, КФУ Cоциаль-фәлсәфи фәннәр һәм медиакоммуникацияләр мәктәбенең Югары журналистика һәм медиакоммуникацияләр мәктәбе доценты Айрат Бикбулатов чакырулы.

«Йолдыз» газетасы ул чорда 10 еллык юбилеена кадәр нәшер ителә алган беренче татар газетасы 1916 елда басма юбилее – татар милли матбугатының нинди булырга тиешлеге турында зур бәхәс сәбәп тудырган. Һади Максуди, мөгаен, газета чыгару өчен гариза бирүдә иң оста татар булгандыр. Нәкъ ул татар телендә газеталарны чыгара башлауга барысыннан да күбрәк гаризалар юллаган. Заманына күрә алдынгы шәхес! Озак вакыт кире гаризаларын, дәгъваларын кире борганнар, шулай да үз дигәненә үҗәтлеге белән ирешкән. Шулай ук бу газетада озак вакыт Галиәсгар Камал эшләгәне билгеле», – дип сөйләде «Интертат»ка Бикбулатов.

Ул шулай ук әлеге матбугат басмасының бөтен заманында бөтен төрки дөньяга билгеле булуын да белдерде.

«Йолдыз» – беренче буын татар газеталарының (1905-1906 еллар) «тел бәхәсе» күренеше дискуссиясендә катнашучы, аның барышында әдәби татар теле кагыйдәләре тулысынча эшләнелә. Газета Россиядә генә түгел, бөтен төрки дөньяда билгеле була. Ә Беренче бөтендөнья сугышында иң күп укыла торган татар газетасы була. 1918 елның 21 июнь көне – «Йолдыз» басылудан тукталган көн. Быел газетага 120 ел тулган булыр иде», – дип бәян итте әңгәмәдәш.

Тарихи рухиятле чара Татар китабы йорты – Шәриф Камал музей-фатирында 21 июнь көнне, 19.00 сәгатьтә булачак.

• Айрат Шамил улы Бикбулатов – филология фәннәре докторы, танылган шагыйрь һәм язучы, Россия Федерациясе һәм Татарстан Республикасы Журналистлар берлеге әгъзасы.