Бу концерт күпләр өчен көтеп алынган моңлы кичә булды. 3 сәгать дәвамында без яратып өлгергән җырлар, күңелләрне тынычландыра, кайчак уйга сала торган шигырь юллары яңгырады. «Интертат» хәбәрчесе «Чулпан» мәдәният үзәгендә «Тәртип» радиосының «Кабатланмас моңнар» концертыннан репортаж тәкъдим итә.

Күпьеллык тарихы булган, чын халык радиосына әйләнгән «Тәртип» радиосы үзенең яңа ребрендингын тәкъдим итте. Барыбыз да яратып тыңлаган радиода нәрсәләр үзгәрә? Ребрендинг ясарга кем тәкъдим иткән? Болар турында без «Тәртип» радиосы коллективыннан сорадык.