Бүген Казанның Яңа Татар бистәсе зиратында бөек җырчы, Россиянең һәм Татарстанның халык артисты Илһам Шакировны искә алу чарасы булды. Артист 2019 елның 16 гыйнварында арабыздан киткән иде. Чарада Габдулла Тукай исемендәге Татар дәүләт филармониясе җитәкчелеге, хезмәткәрләре, сәхнә ветераннары һәм иҗади интеллигенция вәкилләре катнашты.

Казанның затлы сәхнәсе татар халкының милли аһәңнәренә күмелде. Еллар үткән, буыннар алышынган, әмма Илһам Шакиров исеме халык күңелендә һаман да югалмас биеклектә кала бирә. «Илһамлы фестиваль» – бу гади генә концерт түгел, бу – ихтирам, хәтер, яңарыш, рухи багланыш мизгеле иде.

Татарстанның һәм Башкортстаның халык артисты, Россиянең атказанган артисты Идрис Газиевның бала чагыннан ук җырчылыкка укырга, Илһам Шакировның чәчәк бүләк итүе турында хыялланган. Вәт хыяллана белгән икән бу, диярсез. Хыял – хыял гына булып калмаган шул, тормышка ашып куйган!

Юмор остасы Алмаз Хәмзин Татарстанның һәм Россиянең халык артисты Илһам Шакиров белән бергә эшләгән вакыттагы кызыклы хатирәләрен, Илһам Шакировка ни өчен «Күке» кушаматы тагылуын сөйләде.