Табигатебез биргән нигъмәтләрне тулысынча файдаланган, ялан-болыннарыбызда үскән шифалы, хуш исле үләннәрне кулланучылар елдан-ел арта. Кеше бит саулыгын ныгытыр өчен табигый чыганакларны эзли. Әмма дару үләннәрен дә, агуга әйләнмәсен дисәң, чама белән һәм танып-белеп җыю күпкә хәерле.

Саба районы Лесхоз авылындагы Нургали Миңнеханов исемендәге дендрология бакчасында нәрсә генә юк! Монда экзотик үсемлекләр дә үстерәләр, чәй дә җитештерәләр, балаларга мастер-класслар да уздыралар.