Рөстәм Нәбиев исән-сау килеш армиягә киткәндәге һәм фаҗигадән соңгы фотосын күрсәтте | intertat.tatar

Рөстәм Нәбиев исән-сау килеш армиягә киткәндәге һәм фаҗигадән соңгы фотосын күрсәтте

Яп-яшь Рөстәм үз аякларында басып тора, алар сөйгән кызы белән кочаклашкан, аннары карусельдә Рөстәм ябыгып беткән һәм креслода утыра.

Блогер Рөстәм Нәбиев, Ватанны саклаучылар көне уңаеннан, инстаграмдагы архив фотоларын күрсәтте. Егет армиягә китеп бара, аны сөйгән кызы озата, алар кочаклашкан. Аннары Рөстәм фаҗигадән соң ике аяксыз калгач төшкән фото куелган. Рөстәм ябыгып беткән, алдында җәймә, аяклар юк инде.

Рөстәм Нәбиев Омскида казарма ишелгәч, ике аяксыз калды.

«Мин һәрвакыт илемнең патриоты булдым, мин беркайчан да армиядән котылып калу турында уйламадым. Әйе, хәзер армия башка, ләкин мин бу мәктәпне узарга теләдем.

2015 елның 24 июнендә мине армиягә алдылар. Мин үзем теләгәнчә, Омскига ВДВга эләктем. Әйе, үзем шунда алуларын сорадым.

Мин 18 көн генә хезмәт итеп калдым. Ләкин Ватаныма бурычымны бирдем, тулысынча дип саныйм.

Дәүләт, министрлык тарафыннан битарафлык һәм ришвәтчелек булуга карамастан, тагын ни дә булса килеп чыкса, мин илемне сакларга басачакмын. Хәтта ике аяксыз килеш тә. Чөнки бу илдә минем гаиләм, минем балаларым, минем өем», — ди ул.

  • Омскида казарма ишелү нәтиҗәсендә ике аяксыз калган Рөстәм Нәбиев кабат әти булачагын хәбәр итте
  • Рөстәм Нәбиев кулларында Эльбрус тавына күтәрелә
  • Рөстәм Нәбиев әнисен кем үтергәнен әйтте
  • Рөстәм Нәбиев: «Өченче балабызны Майамида табу хакында уйларбыз»