![Рината Тейның студиясен баскан кешенең кем булуы ачыкланган](https://intertat.tatar/resize/shd/images/uploads/news/2024/6/13/aff46abd08cfa7e0c7b127378dafa9aa.jpg)
Рината Тэйның студиясен баскан кешене тоткарлаганнар. Бу хакта җырчы «Интертат»ка үзе хәбәр итте.
Студиягә кергән кешене таптылар. Хәзер сорау алырга чакырганнарын көтәм. Полиция видеокамера аша карап эзләп тапты. Әйтүләренчә, бу кеше – инде элек тә урлау белән тотылганы булган карак. Калган нечкәлекләрен соңрак, сорау алуга баргач әйтермен, – диде җырчы безгә.
Моннан берничә көн элек Ринат Тей студиясен басулары турында сөйләгән иде. Аңа 100 мең сум тирәсе зыян килде.