Рассадаларга суны нинди ешлыкта сибәргә?
Үсемлекләргә суны төрле вакытта төрлечә сибәргә кирәк.
Рассада орлыклары чыкканчы, туфракка пульверизатор белән су сиптереп, көн саен диярлек чылатып торырга кирәк. Бу турыда «Челнинские известия» хәбәр итте.
Орлыклар шытып чыккач, 2-3 көн су сипми торалар, шытымнар ныгып китсен өчен шулай кирәк.
Аннары рассаданың туфрагын йомшарталар, сирәклиләр, атнасына ике тапкыр су сибәләр. Беренче 2-3 яфрак чыккач, су сибүне арттыралар, су тартма төбенә төшеп җитәрлек булсын. Туфракның дымлылыгын нечкә агач таяк белән тикшерәләр. Аны туфракка тирән итеп тыгып карарга кирәк.
Рассадага сибә торган су 20-25 градус җылы булырга тиеш. Су бүлмәдә торып җылынсын. Суны плитәгә куеп җылыта күрмәгез, ул файдалы үзлекләрен югалта.
- Гыйнварда нинди рассада утыртырга өлгерергә кирәк?
- Февральдә нинди яшелчәләрнең рассадасын утыртырга кирәк?
- Рассада савытындагы күгәрек гөмбәсеннән ничек котылырга?
- Рассада өчен орлыкларны ничек сайларга?
