Рамил Курамшинның соңгы видеосы: «Җырларым радиода яңгырамаганга борчылам»

Татарстанның халык артисты, виртуоз баянчы, композитор Рамил Курамшин янына 3 ай элек хәлен белергә дип барган идек.

– Радиода үзем уйнап, җырлаган язмаларым бар. Хәзер җырларымның исемнәрен әйтәм, шуларны куйсыннар, яңгыратсыннар иде. «Тәртип» радиосында булса, әйбәт булыр иде, аны бөтен халык тыңлый. Үзем язган менә дигән җырларым бар: үзем җырлыйм, үзем уйныйм. Шуларны бирмиләр бит. Ул миңа түгел, халыкка кирәк. Бездә менә нинди җырлар да бар бит, дип, әйтерләр иде. Хәзер бит эстрадага урамнан көтүләре белән «җырчылар» керә, яртысыннан артыгы грамоталы түгел. Гыйбрәтле, тирән эчтәлекле җырлар да бар икән, дип белерләр, тыңларлар иде. Шуны эшлик әле, шуны эшләсәк, син миңа бик зур ярдәм күрсәтерсең, – дигән иде Рамил Курамшин.

Ул «Кичер, болыным», «Җырларым җылытсын», «Кайтса әгәр егет чагым» кебек җырларын, «Чәчтем бодай», «Бишле» бию, «Сирәк-мирәк», «Җәйге авыл урамында», «Ташлар аттым Болакка», «Күңелле гармунчы», «Эрбет», «Баек», «Авыл яшьләре», «Бию», «Киндер сукканда», «Әпипә», «Гармун-патефон» һәм «Җаек күгәрчене» кебек әсәрләрен атады.

• Халык артисты Рамил Курамшин бүген вафат булды.
• Рамил Курамшинның «Интертат»ка биргән соңгы әңгәмәсе: Рамил Курамшин: «Мин бит әле хәзер дә сәхнәгә чыгып уйнарлык хәлдә идем»
• Рамил Курамшинның соңгы көннәре: «Картлар йортына да урнаштырып булмады, кызганыч...»