Рөстәм Нәбиев машинасын ничек йөртә? - видео
Рөстәм ак, зур «Мерседес» машинасында йөри.
Паралимпияче, блогер Рөстәм Нәбиев армиядә казарма ишелгәч, ике аяксыз калган. Хәзер ул актив тормыш алып бара, хатыны һәм ике баласы бар, төрле тамашаларда төшә, Эльбрус тавына кадәр менде. Рөстәм ак төстәге зур «Мерседес» машинасы белән дә үзе идарә итә. Ул автомобильне ничек йөртүе турында инстаграмдагы сәхифәсендә сөйләде.
Башта ул коляскасына утырып, машина багажнигы янына бара. Багажникны ача һәм үзе шунда менеп утыра. Аннары Рөстәм коляскасын да багажникка алып менә.
Аннары ул урындыклары арасыннан чыгып кына машина йөртүче урынына утыра. Иминлек каешын эләктерә.
Рөстәм машинаның газ-тормозын кул белән идарә итә. Машина махсус шулай ясалган. Уң якта рычаг бар, ул газ-тормоз педальләренә тоташтырылган. Рычагны алга этсәң, машина туктый, артка тартсаң - хәрәкәт итә.
Рөстәм Нәбиев исән-сау килеш армиягә киткәндәге һәм фаҗигадән соңгы фотосын күрсәтте
Рөстәм Нәбиев тапшырулар алып баручы Юлия Барановскаяны елаткан
Рөстәм Нәбиев әнисен кем үтергәнен әйтте