Помидор рассадасы вакытыннан алда чәчәк атмасын өчен нишләргә?

Помидор рассадасы күчереп утырткач кына чәчәк атса, әйбәт була. Рассадасы бакчага чыгарып утыртканчы чәчәк атса, үсенте бик күп көчен югалта, яңа урында үсеп китү авыр була. Бу турыда киңәшләр сайтында язылган.

Тәрәзә төбендә уңыш җыярга җыенмасагыз, иртә аткан чәчәкләрне өзеп атыгыз.

Беренчедән, рассада утыртырга ашыкмагыз. Нормаль срок — бакчага чыгарырга 2 ай калгач утырту.

Икенчедән, кояшта торган очракта үсентенең яфраклары арта, чәчәкне дә иртә ата башлый. Күләгәдә үскән рассаданың тамыр системасы яхшы булып үсә.

Өченчедән, температура режимын сакларга кирәк.

22-25 градуста чәчәк ату куркынычы барлыкка килсә, рассаданы салкынча урынга күчереп куегыз. Ләкин көндез 16-18 градустан да, төнлә 13-15 градустан да салкын булмасын.

Рассадасы үсешен тоткарлый торган препаратлар да сибәргә була, тик күпләр моны кулай күрми.

• Гыйнварда нинди рассада утыртырга өлгерергә кирәк?
• Февральдә нинди яшелчәләрнең рассадасын утыртырга кирәк?
• Рассада савытындагы күгәрек гөмбәсеннән ничек котылырга?
• Рассада өчен орлыкларны ничек сайларга?
• Рассадаларга суны нинди ешлыкта сибәргә?
• Рассадага нинди ашлама сибәләр?
• Кәбестә рассадасын кайчан утыртырга?
• Рассада нечкә булып озынлыкка үсеп утырмасын өчен нишләргә?