Оренбург өлкәсендә үтерелгән кызның әти-әнисе: Табиб булырга хыялланган иде
Кайгыга баткан туганнар әлеге фаҗигагә ышана алмый.
Оренбург өлкәсенең Гай шәһәрендә вәхшиләрчә үтерелгән кызларның туганнары әле дә фаҗигагә ышана алмый. Алар 18 яшьлек кызларының табиб булырга хыяллануын әйтә. Бу турыда РЕН ТВ яза.
Алар кызлары белән фаҗига килеп чыгуын журналистлардан, көндезге уникеләрдә белүләрен әйтә.
«Ышанып булмады. Көн саен сөйләшеп тордык, видеошалтырату аша аралаштык. Бар да нормада иде. Күңелле иде. Тормыш яратты, яхшы укыды, тырыша иде», — дип искә ала мәрхүмә кызның анасы.
Әти-әнисе сүзләренчә, кызлары башта медицина көллиятенә кергән, аннары табиб булырга, кешеләрне дәваларга хыялланган.
«Тагын укырга җыена иде. Табиб булырга теләде. Картайгач безне дәваларга җыена иде», — ди әти кеше.
Мәрхүмә кызларның туганнары үзара аралашып тора. «Сөйләшәбез, елашабыз», — ди әни кеше.
Алар үтерүче табылуын 4 октябрьдә белгән. «Аны гомерлеккә хөкем итсеннәр иде», — ди алар.
Әти-әнисе сүзләренчә, кызның егете булмаган, дуслары күп булган. «Уку беренче урында иде», — диләр.
- Башкортстаннан килгән 17, 18, 19 яшьлек өч студент кызны Оренбург өлкәсендә үтергәннәр
- Оренбург өлкәсендә Башкортстан кызларын үтерүче турында төрле фаразлар таралды
- Оренбург өлкәсендә Башкортстан кызларын үтерүдә шикләнелүченең исеме билгеле булды
- Башкортстан студентларын үтерүдә шикләнелүче тоткарланды
- Оренбург өлкәсендә вәхшиләрчә үтерелгән кызларны Башкортстанда җирләделәр