Намаз укыганда күзне йомарга ярыймы?
Казанның «Гаилә» мәчете имам-хатыйбы Рөстәм хәзрәт Хәйруллин социаль челтәрләрдә төрле сорауларга җавап биреп бара.
Бу юлы аннан Телеграмда намаз укыганда күзне йомарга ярыймы дип сораганнар.
«Җавап — юк. Пәйгамбәребез (сәлләллаһу галәйһи вә сәлләм) „намазны күзләрегезне ачып укыгыз“ дигән. Кемдер „мин шулай итеп игътибарымны туплыйм“, дип әйтергә мөмкин. Тик бу — бу үз-үзеңне алдау. Без барысын да яхшы аңларга тиеш. Без Аллаһы Тәгаләне берничек тә күз алдына китерә алмыйбыз. Җирдә дә, күктә дә Аңа охшаш берни дә юк. Без аны ачык күз белән дә, йомык күз белән дә күз алдына китерә алмыйбыз. Без Аның карашын үзебездә тоябыз. Иман шушы була инде. Күз йомарга ярамый. Сәҗдә кыла торган урынга карыйбыз, уңга, сулга карап, самолетлар, йолдызларны күзәтмибез. Җиргә иелеп, баш ия торган урынга карыйбыз. Бу вакытта да күз йоммыйбыз. Йоммаска тырышыгыз. Шулай яхшырак булыр», — дип киңәш итә хәзрәт.
Хәзрәт түбәндәге сорауларга да җавап биргән иде: