«Мин сине онытмам» – «Киек каз юллары»н җырлап танылган Артур Хәсәнов гаиләсендә кайгы
Мобилизациядәге җырчы, Башкортстан егете Артур Хәсәновның зур хәсрәте бар. Аның әтисе вафат булган.
«Кадерле әтием, авыр туфрагың җиңел булсын… Мин сине мәңге онытмам», – дип яза ул сторисларында.
«Интертат»ка интервьюда Артур гаиләсе турында: «Әти белән әни пенсиядә инде. Әнием – логопед-укытучы. Әти гомер буе Себер якларында эшләде. Абый белән мин генә сәнгать юлыннан киттек», – дип сөйләгән иде.
Артурның тирән кайгысын уртаклашабыз.
