«Мин ике хатыныма да рәхмәтле» – җырчы Ринас Әхмәтовның икенче гаиләсе дә таркалган?

Ринас, нинди яңалыкларыгыз бар? Концертлар көтеләме?

Концертлар быел булмас, ахры.

Гел җырлар язу белән генә шөгыльләнәсезме?

Җырлар язабыз, аларны җырчыларга бирәбез. Аның белән дә канәгать. Туйлар, юбилейлар алып барабыз, Аллаһка шөкер. Башка җирләрдән дә керем кертергә тырышабыз. Ә инде концертларга килгәндә, Татарстанның атказанган, халык артистлары да оешмаларга билет таратып йөри. «Абый, классташ, энекәш, билет алыгыз әле», – юлы белән эшлисе килми. 1 ел булса да пауза алдым әле. Минем концерт куясы килмәүнең төп сәбәбе шул. Бу сугыш галәмәте белән дә…. Мин бит, концерт куйганда, үзем өчен оешмалардан «билет алыгыз» дип сумма сорыйм. Ә алар ул сумманы, хәйрия йөзеннән, егетләребезгә ярдәм буларак җибәрә алалар.

Сезнең башка бизнеслар да бармы?

Тегеннән-моннан тарткалыйбыз (көлә).

Гаилә хәлләрегез ничек? Балаларыгызны алып, ялга барып кайткач, беренче хатыныгыз сезгә рәхмәтләр дә язган иде.

Гаилә хәлләрен сорамагыз.

Нигә, барысы да әйбәттер бит?

Минем беренче гаиләмдә 2, икенче гаиләмдә 1 кызым үсә. Ике хатыныма да мин барысы өчен дә рәхмәтле.

Сезнең икенче гаиләгез дә таркалдымыни?

Анысы – сер!

• Җырчы Ринас Әхмәтов: «Балаларны ташламадым, хатынны алыштырдым»
• Җырчы Ринас Әхмәтов ике хатыны белән дә дус, киңәшләшеп яшәвен әйтте