Махсус операциядә БТР куып алып китеп танылган Фәнис Хөсәенов истәлегенә спектакль куела
20-21 февральдә Уфаның Мостай Кәрим исемендәге Милли яшьләр театрында махсус хәрби операция сугышчыларына багышланган «Бер гомер җитми икән...» спектакленең премьерасы була. Ул журналист, язучы Мөнир Кунафинның әсәрләре буенча сәхнәләштерелә, дип хәбәр итә bashgazet.ru.
Мөнир Кунафин, хәбәрче буларак, махсус хәрби операция зонасына командировкага да барып кайткан. Махсус операция зонасында БТР куып алып китеп танылган Фәнис Хөсәеновның туган ягында булып, анасы, туганнары, авылдашлары белән дә аралашкан. Күпсанлы язмалар язган.
«СВОда нәрсә күрдем, нәрсә кичердем – шуны яздым. Ышанып, тетрәнеп, хыялланып, елап яздым. Хәл-вакыйгалар, геройлар беренче карашка уйлап чыгарылган кебек булса да, аларны минем язмалардан табарга була. Халык батыры «безбашенный» Фәнис Хөсәеновны да, каһарман Илдар Суфияровны да, «Историк», «Шаман», «Боцман», «Иман», «Мырза», «Ханыч» һәм башка «брат»ларымны да танырга була. Миңа аларның һәрбере кадерле. Шуңа аңлап, алдашмый, кабартмый иҗат иттем», – дип язган Мөнир Кунафин.