Интернетта халык Ильмира Нәгыймованы Марат Яруллинга «кияүгә биреп» шаулап алды. Шул уңайдан Марат Яруллин үз сүзен әйтте.
«Миннән башка гына өйләндереп куйганнар…
Әлегә минем гастрольләремнең иң кызган вакыты, шул вакытта Интернетта мине өйләндереп тә куярга өлгергәннәр. Мин бу хәлләрне берникадәр вакыт читтән генә күзәттем һәм җавап бирергә кирәк дип уйладым.
Хәзер минем концертларым бара, өйләнү кайгысы түгел. Мин әле өйләнергә дә җыенмыйм, хәтта Нәгыймовага да (Ильмира, гафу ит)», – дип рәсми төстә белдергән җырчы социаль челтәрдәге сәхифәсендә.
«Барысы да ничек матур башланган иде», «Кызганыч, матур пар иде», – дип борчылып куйган җырчыларны пар итеп күрергә теләүчеләр.
«Концертларда Маратның муенына кызлар шулкадәр сарыла. Әкәмәт. Кызлар, үзегезне аз гына булса да ихтирам итегез инде», – дип аптыраган берәү.
«Буйдак ирекле», «Алайса, өметләнергә була икән әле», «Бу хәбәрдән соң җиңелрәк булып китте», – дип шатланышкан кызлар.
Ильмира Нәгыймовага кияүгә чыгарга тәкъдим ясаган кешенең кем булуы ачыкланган