Композитор Марат Мухинның хатыны – блогер Гөлия Вәлиәхмәтова төзелеп килә торган йортларын күрсәтте. Аннары ул социаль челтәрдәге язылучыларының сорауларына җавап бирде.
Бер язылучысы аңа: «Ни өчен өегездә йокы бүлмәгез ирегезнекеннән аерым?» – дип сораган.
Гөлия Вәлиәхмәтова бу сорауга: «Чөнки минем өчен тиешенчә йоклау бик мөһим. Гырласалар, мышнап ятсалар, су эчәргә, сияргә йөгерсәләр һ.б. минем йокым туймый.
Мәккәдә без икәү бергә йокладык. Марат әйләнеп яткан саен уяна идем. Алай ничек йоклыйсыздыр сез?
Әмма бөтен кеше дә төрле. Кемдер, гомумән, кочаклашып йоклый. Бомба төшсә дә уянмаска мөмкин. Бу тема бик шәхсән», – дип җавап биргән Гөлия Вәлиәхмәтова.
