Композитор Марат Мухинның тормыш иптәше, блогер Гөлия Вәлиәхмәтова яңа йорт төзеп ятуларын күрсәтте. Видеода шунысы игътибарны җәлеп итә: ир белән хатын аерым бүлмәләрдә яшәячәк. Аларның яңа йортында аш бүлмәсе генә уртак булачак. Йортның икенче катында Марат Мухинның, аның хатыны Гөлиянең һәм аларның кызларының бүлмәләре булса, астагы катта кунаклар өчен дә махсус йокы бүлмәсе әзерләнә.
«Монда – зур булмаган гардероб. Иремнеке һәм кызымныкы. Без аны стена белән бүләчәкбез», – дип күрсәтә кечкенә бүлмәне Гөлия. Фотодан күренгәнчә, хуҗабикәнең кием-салым бүлмәсе Марат Мухинныкыннан күпкә зуррак булачак. Блогер Гөлия Вәлиәхмәтова йорт төзелешенең ничек барганлыгын социаль челтәрдә күрсәтеп барачак.
