Казанда яшәүче аш-су блогеры Рәмзия Вәлиева кызы турында: «Тиз арада операция кирәк»

Казанда яшәүче аш-су блогеры Рәмзия Вәлиеваның бердәнбер кызы авырып киткән. Бу хакта ул социаль челтәрдәге сәхифәсендә хәбәр итә.

«Эх, кызым. Иртән күз яшьләрен тыя алмады. 20 метр гына йөри ала бит, анысы да бик авырлык белән. Көне буе елап йөрдем бүген. Бүген кызымны алып чыктым. Нейрохирургка алып бардым. Тиз арада операция ясарга кирәк. «Авыр операция», – диделәр. Башкача булмый! Сез дә, дусларым, теләп торыгыз. Әлегә кызым өйдә, уколларны үзем ясап торам. Анализлар бирәсе бар», – дип өзгәләнә ана йөрәк парәсе өчен.

Рәмзия ханымга сынаулар өеп бирелгән. Күптән түгел аның улы 37 яшендә авырудан кинәт вафат булды. Аннары кияве махсус хәрби операциядә, аның әтиләрен сагынып елаучы оныкларын күреп тә йөрәге өзгәләнә. Әлбәттә, борчылулар эзсез узмый, үзе дә, кан басымы күтәрелеп, хастаханәдә ятып чыкты.

Рәмзия Вәлиеваның кызына операцияне җиңел кичереп, тиз арада савыгып, гаиләсе янына кайтуын теләп калабыз.

Рәмзия Вәлиева баласының хастаханәдә үлүе турында: «Аннан улымны алып китмәгәнгә үкенәм»

Аш-су остасы Рәмзия Вәлиева оныкларының хәрби операциядән әтиләрен көтүен әрнеп сөйләде