Продюсер Илгиз Абракипов белән зур туйлар уздырган косметолог Лия Мифтахова яңадан кияүгә чыккан. Бер чибәр егет белән фотосын ул социаль челтәрләрдә күрсәтте.
«Мәшәкатьләр һәм яңгыравыклы сүзләрдән башка гына. Без икәү һәм иң мөһим «әйе» сүзе. Эчтә җылы һәм тыныч булганда, зур мәҗлесләр дә кирәк түгел. Янәшәмдә – алга таба бергә атлыйсы килгән кешем», – дип яза ул.
Мәрхүмә җырчы Вәсилә Фәттахованың тормыш иптәше Илгиз Абдракиповның, 8 ел ялгыз яшәгәннән соң Лия белән яңадан тормыш корып җибәрүе хакында язган идек. Аның 3 баласы бар, иреннән аерылган. Алар туй мәҗлесен Уфада уздырды. Бәйрәмдә татар эстрадасының танылган артистлары катнашты. Әмма ни кызганыч, туй ясап 1 ай узганнан соң, алар аерылышты. Лия исә «Интертат»ка Илгиз белән рәсми рәвештә язылышмауларын сөйләп, туйларын «шоу» дип атады.
- Илгиз Абдракипов туй фотоларын күрсәтте: «Син минем тормышымны бизәдең»
- Илгиз Абдракипов аерылган
- Илгиз Абдракиповның кәләше Лия: «Без рәсми рәвештә язылышмадык, туебыз – шоу»
