Кичә, 2 октябрь көнне, җырчы Гөлназ Шәрипҗанова алдануы турында хәбәр иткән иде. Аның сүзләренчә, аларга мебель ясап китерергә тиешле Самат, 70 мең сум акча алып, юкка чыккан. Гөлназ бу турыда елый-елый сөйләде. Вакыйганың судка кадәр барып җитәчәген әйтте.
-
Гөлназ Шәрипҗанованы төп башына утыртканнар, ул елый-елый сүгә: «Кабәхәт, б..., эчеп ята»
-
Гөлназ Шәрипҗанова үзләрен алдаган кешегә: «Бәреп үтерәсем килә»
Бүген исә ул бу хәлдән чыгу юлы күренгәнен хәбәр итте. Самат аларга 4 көн эчендә заказын эшләп бетерергә ышандырган.
«Безнең бу атна – хәйрия атнасы. Тагын хәйрия концертына киттек. Кайнар яңалыклар: кичә интернетта күп төркемнәрдә минем видоеязмаларны куйганнар, интервьюлар алып шалтыраттылар. Бик күп кеше үзләренең очракларын язды. Хәтта кичә коллегалар миннән шаяртып та алдылар: «Безнең дә мунчага ишек куйдырылмаган, без дә акырып елыйк микән әллә?» – диеп. Елауның төп сәбәбе, гомумән, мебель гына түгел инде – дөресен әйткәндә, бөтенесе җыелып килде. Мин – тере кеше, үземә ирек бирә алам – елап алырга да, сүгенергә дә. Хакым бар. Самат белән нәрсә булганы турында кайнар яңалыклар: Самат табылды! Таптылар! Интернет – көч! Елап кертмәгән булсам – шулай калыр иде әле дә! 7 октябрьдә була, ди», – дип, тормыш хәлләре белән уртаклашты Гөлназ.
