Гөлназ Сәфәрова: «Татар радиосы»на акча эшләр өчен килгән идем»
Казанның «Татнефть Арена» боз сараенда «Татар Радиосы»ның 20 яшьлек юбилей концерты үтте.
Татарстанның атказанган артисты Гөлназ Сәфәрова «Татар радиосы»на ничек килүен искә төшерде.
Мин монда иң озак эшли торган кешеләрнең берсе икән. 2004 елның маенда килдем. Ул вакытта беренче курста укый идем. Дөресен әйтәм, ул вакытта акча эшләү өчен килгән идем. Көндезге бүлектә укыгач, шуңа төнге эфирларга чыга идем. Акча эшләп алырмын да, бер елдан соң китәрмен дип уйладым. Әмма радиога килеп эләккән кеше туры эфирның тәмен белеп ала һәм моннан китә алмый. Хәзер туры эфирларда эшләмим, ләкин радио составында кала бирәм, – дип сөйләде ул.