Кичә Фирдүс Тямаев Ришат Фазлыйәхмәтов белән Питрәч районы Чыты авылында бер сәхнәдә чыгыш ясаган. Бәйрәм ахырында Фирдүс Тямаев сәхнәдә чыгыш ясаган коллегаларына рәхмәт әйтте. Ришат Фазлыйәхмәтов турында әйтә башлагач, аның хатыны Тәтишка турында да сөйләп китте. Вакыйга урынында төшерелгән видеоны «Интертат»ка юлладылар.
-
Тәтишка Ришат Фазлыйәхмәтов белән аралары суыну турында: «Пиар түгел...»
-
Ришат Фазлыйәхмәтов белән Тәтишка тынгы бирмәүчеләргә: «Борчылмагыз инде шулхәтле»
«Тәтишка – супер, оказывается. Шушында Тәтишканы кочаклаган идем, Ришатның йөзе болай җимерелде инде менә. Хәзер сугышалар дип торам. Мин яратам бит кеше сугышканда», – дип шаярта Тямаев. Аннары ул җырчының үзен сәхнәгә чакырып менгерде.
Аннары: «Минем кулым җиңел, хәзер авырга да узасыз, бала да табасыз, баласы миннән булса да ярый. Аермасы юк», – дип, Тямаев сәхнәгә Ришат Фазлыйәхмәтов янына аның хатынын Тәтишка – Эльмираны да чакырды. Искәртеп үтик, әлеге пар күптән түгел аерылышулары турында хәбәр иткән иде.
«Тәтишка белән аерылып маташа. Ты что? Мондый Тәтишка белән кем аерыла инде? Җүләр. Әйдә, тезлән. Әйдә, тезләнеп, бер кулын үп әле. Тиз-тиз генә, матур гына иттереп. Бөтенесе алдында «Мин сине яратам» диген, әйдә, тиз-тиз. Яратасың икән, әйдә. Давай, кулын сора. Бер, ике, өч, давай», – дип җилтерәтә Тямаев сәхнәдә Фазлыйәхмәтовны.
Ришат Фирдүс Тямаев кушканнарны барысын да эшләде. Бар халык алдында Ришат Тәтишкасына: «Яратам мин сине», – диде.
Фирдүс Тямаев шушы мизгелдә Тәтишкага да үз киңәшләрен бирде. «Иң мөһиме – ташлама син», – дип йомгаклады Фирдүс һәм Ришатның 40 яшьтә акылга утырачагын әйтте.
Пар кочаклашып-үбешеп сәхнәдән төшеп китте. «Рәхәтләнеп кочаклашып йоклагыз бүген, бөтен ачуыңны ал, әйдә», – дип төшереп җибәрде Ришатны сәхнәдән Фирдүс Тямаев.