Җырчы Фирдүс Тямаев махсус операция башланганнан бирле үзе ярдәм күрсәтеп торган солдатлар янына махсус операция зонасына барырга җыена. «Концерт куярга бару түгел, хәлләрен белешеп, күрешәсем килә», – диде ул бу хакта «Интертат»ка.
«Әлегә бер машина ярдәм төяп, бертуган энекәшем Фирзәр китте. Ул әйләнеп кайту белән үзем дә җыенам. Төгәл датасын әйтмәсәм яхшырак булыр. Концерт куярга дип бару түгел бу, дөрес аңласыннар. Андагы спецназ егетләр мине бик көтәләр. «Фирдүс, бик булыштың, сине күрәсебез килә», – диләр. Тагын бер автобус гуманитар ярдәм җыеп, үзем барып кайтмыйча булмый. Әле әнигә әйтмәгән. Ничек кенә әйтәсе булыр, Фирзәр өчен дә бик борчылып тора», – дип сөйләде ул.
-
«Фирдүс җыя, болар талый»: Тямаевның Украинага ярдәм илтүче егетләренә штраф салганнар
- Фирдүс Тямаев махсус операциядәге егетләргә «күчтәнәч» тапшырган
- Фирдүс Тямаев махсус хәрби операциядәгеләргә ярдәм җыюга кушылуны сорый
