Эльмира Сөләйманованың ире Дмитрий җырчының соңгы минутлары турында сөйләгән

Эльмира Сөләйманованың вафат булуын иң беренчеләрдән булып тамашачыга Алмаз Рәхимов хәбәр итте. Ә аңа җырчының инде күп еллар дәвамында баянчысы булган Фәйзелхак Хәлимов бу аяныч яңалыкны ирештергән. Без Фәйзылхак әфәнде белән элемтәгә кердек. 

Аның сөйләвенчә, Эльмира бүген иртәнге дүрттә инфаркт кичерү сәбәпле үлгән. Ул Эльмираның ире Дмитрий белән сөйләшкән.

«Янында балалары һәм ире булган. Ире әйтүенчә, Эльмира ике тапкыр кычкырып ютәлләгән дә башка сулыш алмаган. Шулай итеп җан бирүе булгандыр», – дип сөйли баянчы. 

Эльмираның бервакытта да йөрәгенә зарланганы булмаган. «Ютәлләп тора иде ул, тик, йөрәгем авырта, дип әйткәнне хәтерләмим», – ди Фәйзелхак.

• Җырчы Эльмира Сөләйманова вафат булган
• Эльмира Сөләйманованың ничек вафат булуы билгеле 
• Җырчы Эльмира Сөләймановага инфаркт булуы билгеле
• Эльмира Сөләйманованың соңгы интервьюсы: нибары 7 секунд...
• Эльмира Сөләйманова: «Балаларны үзем үстерә алмыйм, тормышта иң авыры менә шул...»
• Эльмира Сөләйманованың энесе: «Барысы да әйбәт иде, ул авырмады, салкын тигән иде аңа»
• Җырчы Эльмира Сөләйманованың кайда җирләнәчәге билгеле
• «Сәхнәләрдә балкып нурың калды...» – Эльмира Сөләймановага багышлап шигырь язганнар
• Эльмира Сөләйманова белән хушлашу – «Шәһри Чаллы» газетасыннан эксклюзив видео