Диана Гурцкая белән Петр Кучеренконың улы әтисе вафатыннан соң күңелгә тия торган сүзләр язган. Бу хакта социаль челтәрләрдә хәбәр ителә.
«20 майда минем әтием вафат булды. Ул бик яшь иде. Минем башка әйтер сүзем юк. Безнең кайгыбызны уртаклашкан һәм безгә терәк булган һәр кешегә рәхмәт. Бу хакта интернетта күп нәрсә укыдым, явыз һәм ачулы комментарийлар күп. Башка кешеләргә ул нинди генә булып тоелса да, ул – минем өчен иң яхшы әти иде һәм шулай булып калачак та. Гаиләгезне һәм якыннарыгызның кадерен белегез», – дип язган Константин.
Россия Федерациясе Фән һәм югары белем министры урынбасары – статс-секретарь Петр Александрович Кучеренконың хәле Кубадан эш сәфәреннән кайткан вакытында самолетта начарайган. Аңа 46 яшь иде.
Исегезгә төшерәбез, 2005 елда түрә җырчы Диана Гурцкая белән тормыш корды. 2007 елның июнендә аларның уллары Константин дөньяга килде.
Диана Гурцкаяның ире Петр Кучеренко вафат.
Диана Гурцкаяның абыйсы җырчының үлгән иренә мөрәҗәгать иткән: «Син миңа бүләк алдың».