Фирдүс Тямаев концертына аның иҗатын яратучы хатын-кызлар күп килә. Араларында үзләрен шактый кыю тотучы, бернәрсәдән дә оялып тормаучылары да була. Ул хатын-кызлар тәнәфестә бераз «җылынып» алалар да, дәртләнеп китәләр. Җырчы белән ничек тә кочаклашып, үбешеп калырга, бер уңайга сәхнәдән календарен дә эләктереп төшәргә ашыгалар.
Шушы көннәрдә узган концертларының берсендә шундый ук хәл булган. Фирдүс концерт карарга үтә кыска итәк киеп килгән бер кызга игътибар итеп: «Бу синең шортымы, итәкме?» – дип сорый. Моның шорты-итәк икәнлеген белгәч, икенче юлы шортысын киеп тормаска тәкъдим итә. Ул арада, Фирдүснең яшь кыз белән аралашуыннан көнләшепме, аның янына икенче бер хатын-кыз килеп җитә. Анысы Тямайдан календарь сорап кына калмый, аны әле бер, әле икенче битеннән үбә, иреннәренә дә үрелмәкче була.
«Бу җир «люкс», монда ярамый. Монысы «вип» – хатыным Резеда өчен генә, яме», – дип туктатып калырга өлгерә ул әрсез тамашачысын.
Ә теге кыска итәклесенә җырчы читкәрәк китеп биергә куша. «Я, сиңа карап, җырлый алмый башлармын», – дип шаярта ул.
Бу темага:
- Ирен көнләштермәкче булган хатын-кызга Фирдүс Тямаев: «Сугышыгыз ирегез белән рәхәтләнеп»
- «Бу хатын-кыз шулкадәр тыйнаксыз» – Сәхнәдә үбешкән Фирдүс Тямаевны тәнкыйтьлиләр