Дубайга ялган турлар саткан блогер Илүсә Фәләхова-Миңнегалиева улының исемен әйтте

Дубайда яшәүче блогерлар Илүсә Фәләхова һәм Раушан Миңнегалиев улларына нинди исем кушканны әйтте.

«Безнең исемебез бар! Алим дип куштык.

Алим, Галим – гарәпчәдән «барысын да белүче», «белемле кеше» дигәнне аңлата. Мөселманнарда киң таралган исем.

Малай булачагын белү белән үк әлеге исемгә тукталдык. Азиз һәм Алим арасыннан сайладык. Азиз – артык яңгырашлы кебек. Тынычрак исем кирәк иде.

Хәзер сез дә улыбызның исемен беләсез инде», – дип язган Илүсә үзенең блогында.

Илүсә балага исемне әтисе кушуын, бу вакытта аның бик дулкынлануын да сөйләгән.

• Блогерлар Дубайга ялган турлар сатып, 900 дән артык кешене алдауда гаепләнә, зыян күләме 25 миллион сумнан артык. Адвокат Нагиев блогерларның бу эшчәнлеген «мошенниклык» дип атады, аларга карата җинаять эше кузгатылган. Шуңа да карамастан, алар турларны сатуны дәвам итә.