«Кызык-мызык» буларак танылган татар блогеры Илназ Габидуллин икенче тапкыр әти булачак. Бу турыда Илназ социаль челтәрләрдә язган.
«Тормышыбыздагы зур, сөенечле хәбәребезне сезнең белән дә бүлешәсебез килә. Тормыш иптәшем Гүзәлдә хәзер бер түгел, ике йөрәк тибә. Безнең мәхәббәт җимешебез. Мин әле һаман да ышанып бетә алмыйм», – дип хис-кичерешләрен язган блогер.
Илназ белән Гүзәлнең Илдан исемле уллары үсеп килә. Икенче сабыйларының малаймы, кызмы икәнлеген алар әлегә әйтми торырга уйлаган.
Барлык язылучылары Илназ белән тормыш иптәшен әлеге шатлыклы вакыйга белән тәбрикләп, сабыйның сау-сәламәт булып тууын тели.
«Бөтен блогерлар йөклеме әллә? Бу – ниндидер бум», – дип язып калдырган шушы көннәрдә үзе дә өченче тапкыр әни булачагын хәбәр иткән блогер Юлия Нәбиева.
-
Татар блогеры Илназ Габидуллин («Кызык-мызык») әти булды