Тәтешле районы егете, «Барс-127» батальоны хәрбие Фәнис Хөсәенов үзенең батырлыгы белән миллионлаган кешенең йөрәген яулады. Башкортстанда аның турында «Безбашенный» дигән мультфильм төшерделәр, дип яза «Йөрүзән» сайты.
Тамашачылар Фәнис Хөсәенов батырлыгы турында «Безбашенный» анимацион фильмын, Сибай театрының һәлак булган артисты Илнар Хәтмуллин турында «Танец героя» документаль фильмын һәм махсус операция зонасына гуманитар ярдәм җибәрү турында «Бетеу» кыска метражлы уен фильмын карады.
«Безбашенный» анимацион фильмының премьерасы Уфада булды. Мультфильмда махсус операциядә дошман танкын куып алып киткән һәм берничә дошманны бер ялгызы җиңгән герой Фәнис Хөсәеновның тормышы турында сөйләнә.
Премьерада әйтүләренчә, бу фильмнарны төшергән кешеләр – үзләре дә герой. Чөнки хәзер илебезне саклаучыларның тарихын киләчәк буыннарга һәм яшьләргә дөрес итеп җиткерү бик мөһим. Ә бу кыска метражлы фильмнар хәзер махсус операциядә булган һәркемне чагылдыра.
