Башкортстанда әтисе белән авариягә очраган бала да үлгән
Авариядә баланың атасы, абыйлары һәлак булды. Табиблар баланың гомерен саклап калу өчен берничә көн тырышты.
Башкортстанның Әбҗәлил районының Рыскужа авылында яшәүче дүрт яшьлек сабый Чиләбе хастаханәсендә вафат булган. Ул әтисе һәм абыйлары белән бергә авариягә очрап имгәнгән иде. Табиблар берничә көн тырышуга карамастан, баланың гомерен саклап кала алмый. Малай комага китә һәм аңына килмичә үлә. Бу турыда «Комсомольская правда» хәбәр итте.
Коточкыч авария 5 декабрьдә Чиләбе өлкәсендә Куса-Златоуст юлында була. Биредә ВАЗ-2109 һәм йөк ташый торган «Газель» кара-каршы бәрелешә. Җиңел машинада Әбҗәлил районында яшәүче өч туган һәм машина йөртүченең нәни улы була. Олылар үлеп бетә, бала җитди имгәнә.
Тол калган хатын дүрт айлык көмәнле, аның 1,5 яшьлек нәни улы бар, диелә хәбәрдә.
- Башкортстаннан абыйлы-энеле өч туган берьюлы һәлак булган, нәни бала комада.
- «Мине әсәем янына күм» — Башкортстаннан 3 туган авариядә вафат, 4 яшьлек бала комада