Башкортстан Башлыгы Мәчетле районында авариядә имгәнгән ир-атка ат бүләк итте
Бәйрәмгә барганда арбалы атка машина бәрелде һәм атны йоклатып үтерделәр.
Башкортстан Башлыгы Радий Хәбиров Мәчетле районында авариядә зыян күргән ир-атка ат бүләк итте. Бу турыда «Башинформ» хәбәр итте.
- 30 майда «Күккүк чәе» бәйрәменә барганда арбалы атка җиңел машина бәрелә. Шуннан соң имгәнгән атны йоклатып үтерәләр. Биш кеше имгәнә, бер хатынның аягын кисәләр. Җырлап Сабан туена баручыларны машина бәрдереп киткән, дип язган идек.
Бүген Яңа Мөслим авылында яшәүче Марсель Шәрифуллинга төбәк башлыгы исеменнән Орлов токымыннан юртак ат бүләк иттеләр. Атны Мәчетле районы администрациясе башлыгы урынбасары Гөлназ Кадыйрова тапшырды.
«Башкортстан Башлыгы Радий Хәбировка көтелмәгән бүләк өчен зур рәхмәт. Тормышымны аттан башка күз алдына да китерә алмыйм. Игътибарыгыз һәм ярдәмегез өчен рәхмәт», — диде ат хуҗасы.
Юртакка «Забава» дип исем кушканнар
Шулай ук Радий Хәбиров әлеге авариядә зыян күрүчеләргә дәүләт хисабына җитди дәвалану тәэмин ителәчәген, авылда мәдәният йортын төзәтәчәкләрен һәм парк ясаячакларын вәгъдә итте, диелә хәбәрдә.
- Сабантуйга баручылар катнашындагы фаҗига турында: «Анда әнием дә булырга мөмкин иде»
- «Ничек аякларымны алып калырга җитешкәнмендер — ике аякны да өзеп алып китә иде»
