Банктан 25 миллион сум урлап, төрмәдә утырган Луиза ире Марат белән араны өзгән

Башкортстанның Салават шәһәрендәге банктан 25 миллион сум акча урлап, төрмәдә утырып чыккан Луиза Хәйруллина ире Марат белән араны өзгән. Бу хакта UFA1.RUга Луизаның туганнары хәбәр иткән.

«Марат белән аралашмыйлар, чөнки нормаль ирләр алай эшләми», – дигән Луизаның туганы. Луиза хәзер балаларын алып, ире белән бергә төзегән йортка күченгән. Туганнары сүзләренчә, Луиза эшкә урнашкан, ләкин кая икәнен әлегә әйтмәгәннәр. Хөкем ителгән кассир Луиза Хәйруллина берничә ай элек иреккә чыккан. Ул колониядә 4,5 ел утырган.

Исегезгә төшерәбез, 2019 елның май аенда Салават шәһәрендәге банкта кассир булып эшләүче Луиза Хәйруллина 25 миллион акча урлап, ире һәм 2 кызы белән качып китте. 2 айдан соң гаиләне Казанда таптылар. Луиза – 5 елга, Марат 6 елга ирегеннән мәхрүм ителде.

Луизаның җинаятькә бару сәбәбе дип, Маратның акчалы уеннарга булган бәйлелеге таныла. Луиза Хәйруллина, ире кушуы буенча, системалы рәвештә банктан акча алып чыга. Җинаять эзен яшерү өчен, ялган документлар куя. Акчага ире букмекер контораларында уйный. Луиза барлыгы 9025270 сум, 140900 доллар һәм 101315 евро урлый.

Марат, хатынын урларга котыртуын раслап, интервью биргән иде. Ир үзенең спорт уеннары тотализаторында күп акчалар оттырганын һәм, бурычларны каплар өчен, хатынын банктан акча алып чыгарга мәҗбүр итүен әйткән. Марат әйтүенчә, хатыны сейфтан акчаны 27 майда түгел, ә 2 ел буена аз-азлап алып чыккан. «Беренче тапкыр 50 мең алып чыгарга үгетләдем. Мин, уенда отып, бурычларны кайтармакчы идем. Икенче тапкыр кабатларга туры килде – нәтиҗә шул ук. Өченче-дүртенче – китте китте... Кар өеме кебек җыелды ул 25 миллион», – дигән иде ул.

• Башкортстанда 25 миллион урлаган Луиза Хәйруллина 4,5 елдан иреккә чыккан

• Банктан акча урлаган Луизаның ире гаепне үз өстенә алган: «Акча урларга аны мин котырттым»

• Банктан 25 миллион сум акча урлап качкан Луиза Хәйруллинаны үтергәннәрдер дип фаразлыйлар

• Банктан 20 миллион урлаган Луиза Хәйруллинаның кулга алынуы – МВД кадрлары

• Банктан миллионнар урлауда шикләнелүче Луиза Хәйруллина 13 килога ябыккан

• «Хөкемне ишеткәч, елап җибәрде». Миллионнар урлаган Луиза Хәйруллина төрмәгә китә

• «Үземә зиннәтле әйберләр алмадым»: Луиза Хәйруллина хөкем алдыннан соңгы сүзен әйтте

• 20 миллион урлауда гаепләнүче Башкортстан кассиры Луиза Хәйруллина гаебен таныган

• Банктан акча урлаган Луиза Хәйруллинаның ире халыктан гафу үтенде