Балык — хәләл ризыкмы?

Казанның «Гаилә» мәчете имам-хатыйбы Рөстәм хәзрәт Хәйруллин судагы ризыкларны куллануга карата сорауга Әбү Ханифә мәзһәбе кагыйдәләреннән чыгып җавап бирде.

Иң башта Рөстәм хәзрәт Рәсүлебез сәлләллаһу галәйһи вә сәлләм сүзләрен искә төшерде. «Рәсүлебез сәлләллаһу галәйһи вә сәлләм диңгездә, суда булган һәрбер нәрсә хәләл, ди. Ләкин мәзһаб буенча (без Әбү Ханифә мәзһәбендә) бездә креветка кебек әйберләр мәкруһ дип санала. Шуңа күрә алардан ераграк булсак хәерле булыр иде», — ди Рөстәм хәзрәт.

«Гомумән, балык — хәләл ризык. Тик бездә гореф-гадәтләр бар. Мәсәлән, кайбер авылларда җәен (сом) балыгын ашамыйлар. Авылларыгыздагы гореф-гадәтләрегезне ташламагыз», — дип киңәш итә Рөстәм хәзрәт Хәйруллин.

Казанның «Гаилә» мәчете имам хатыйбы Рөстәм хәзрәт Хәйруллин әлеге сорауларга да җавап биргән иде:

Ясалма тырнак, татуировка ясау гөнаһмы?

Гаиләсен ташлап китеп, баласына ярдәм итмәүче ир-ат гөнаһлымы?

Яңа ел бәйрәмен уздыру гөнаһмы?

Идәнне кайсы почмактан юа башларга һәм сихер тапканда нинди дога укырга?

Йоклаганда ишеккә таба сузылып ятарга ярыймы?