Балык Бистәсе районында Кызыл Яр авылы янында балыкчылар утырган көймә капланган. Кама елгасында ир-атлар иминлек кагыйдәләрен үтәмәгән, дип фаразлана. Бу турыда «Татарстан 24» каналы коткаручыларга сылтама белән хәбәр итте.
Якынча белешмә буенча, көймәдә өч балыкчы була, берсе, йөзеп, болынга кадәр барып җитү җаен таба. Тагын ике балыкчы һәлак була.
Биредә яшәүчеләр котылган ир-атны яр буена алып чыга. Тикшерү эшләре бара.
Гадәттән тыш хәлләр министрлыгы искәрткәнчә, коткару жилеты кию – гомерне саклап калу өчен мөһим шарт.
- Иделдә дүрт балыкчы берьюлы батып үлгән
- Бер машинада дүрт балыкчы батып үлгән
- Мишә елгасына бозга мотоцикл белән кергән балыкчы баткан