Бер машинада дүрт балыкчы батып үлгән
Салонда дүрт ир-ат мәете булган минивенны елгадан тартып чыгарганнар
19 сентябрьдә Хабаровск өлкәсендә дүрт ир-ат Амур елгасына балык тотарга барган. Алар эчеп исергән һәм батып үлгән. Бу турыда "Вести" каналы хәбәр итте.
Балыкчылар кармакларын да бушатырга өлгермәгән. Алар урынга килгәч, салып алган һәм йоклап киткән. Toyota Town Ace автомобиле төнлә суга төшеп киткән дип фаразлыйлар.
Ир-атлар соңгы мизгелдә машинадан чыгарга маташкан булуы ихтимал. Ләкин алар минивен салонында тончыгып һәлак булган.
Дүрт ир-ат мәете булган минивенны елгадан тартып чыгарганнар. Россия Тикшерү комитеты бу урыннан видео күрсәтте.
Коткаручыларны төнлә үк чакырганнар. Машинаны иртәнге якта гына судан тартып ала алганнар, диелгән әлеге хәбәрдә.