Айрат махсус операциядә песи баласын да кайгырта: «Бөтен җиргә дә үзем белән алам»

Моннан 1 ел элек «Интертат» махсус операция бара торган урыннарда БМП (пехота машинасы) өстендә биеп танылган Айрат Мөхәмәдеев турында язган иде. Айрат – Башкортстанның Бүздәк районы Кыска Елга авылы егете.

• БМП өстендә биеп танылган татар егете: «Махсус операциягә китәргә сәбәпләрем күп иде»

Айратның хәлләрен сорашып, аның белән элемтәгә кердек, ул хәзер дә хәрби хезмәттә. Егетнең бу көннәрдә блиндажда төшкән фотоларында бер матур песи баласы да күренә. Айрат тормышында дүрт аяклы дусты – «Татарка»ның әле атна ярым элек кенә пәйда булуын сөйләде.

«Күрше позициядән табып алып кайттым. Бик кечкенә әле ул. Берничә көн буе сөтне авызына тамчылап тамызып, ашарга өйрәттем. Хәзер үзе ашый инде, сөт, паштетлар ярата. Кичә тавык ботыннан да авыз итте. Безгә хәзер бергә күңеллерәк, бөтен җиргә дә үзем белән алам, БМПда йөртәчәкмен. Моның өчен махсус «переноска» сатып алдым», – диде Айрат.

Ул песиенә «Татарка» дип исем кушкан.