Раяз Фасыйхов: Элвин Грей һәм Гүзәл Уразова бәхәсе фанатлар бәрелешенә китерде

9 октябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Гөлнар ГАРИФУЛЛИНА
Фото: Салават Камалетдинов
Элвин Грей һәм Татарстанның атказанган артисты Гүзәл Уразова арасындагы гауга фанатлар каршылыгына китерде. Татар эстрадасының күренекле җырчысы Раяз Фасыйхов моны фанатлар бәрелеше дип тә атады. “Интертат” хәбәрчесенә ул шушы низагка карата фикерен җиткерде.

Андый хәлгә калмас өчен нишләргә, дип сорыйм Раяздан, иң элек. Ул җор итеп кенә: “үзең генә җырларга кирәк”, ди һәм көлә. Шулай да, үзенең дә Гүзәл Уразова белән дуэт җырлау хыялы булуын яшермәде.

– Бу очракта кем хаклы икәнен кистереп әйтә алмыйм, икесенең дә иҗатын хөрмәт итәм. Минемчә, аңлашылмаучанлык туган очракта да, аны үзара тыныч кына хәл итеп тә була иде. Бер-береңә карата ризасызлык туса да, әйтәсе сүзләрне Инстаграм челтәре аша түгел, ә шәхсән җиткерергә дә мөмкин. Ә болай хәзер бу тема фанатлар көрәшен тудырды кебек килеп чыга.

Без бит, мәсәлән, ресторанга килгәч, ресторатор белән ит пешерүче арасындагы мөнәсәбәтләргә тыкшынмыйбыз. Бу очракта да шулай: тамашачы билет сатып алып килә, концертны тыңлый һәм кайтып китә. Ә җыр тууында кем, кайчан, ничек катнашканы эстрада кухнясында гына калырга тиеш иде. Ә бу кухнядан хәзер гади халык, киң җәмәгатьчелек тә хәбәрдар дигән сүз. Ямьсез күренеш булды дип саныйм. Бу бер дә бизәми, ир-ат буларак, Радикны бигрәк тә. Бәлки, Радикның концертлары алдыннан янә үзе турында исенә төшерәсе килгәндер – әйтә алмыйм, ди Раяз.

Җырчы сәхнәдә эшләү дәверендә үзенең җырга авторлык хокуклары буенча килешүләр төзеп эшләмәвен әйтте.

– Бераз иске карашлылык та бардыр инде, ләкин мин мөнәсәбәтләрне шул сүз аша гына корып, сүзгә ышанып кына эшлим. Ничек кенә булса да, “синең җырларыңны җырлыйм әле” дип сораучыларга мин каршы килмим. Тамадалар мөрәҗәгать итә, мәсәлән. Җырлагыз рәхәтләнеп, дим, гәрчә кыйбатлы аранжировкалар белән эшләнгән җыр булса да. Без болай да җир йөзендә күпме генә татар инде, тар күңелле булып, саранланып, бер-беребезнең башын ашап ятсак, ни була инде ул!

Раяз Фасыйхов Зөһрә Сәхабиеваның да Филүс Каһировка Хәйдәр Бигичев җырларын башкарганы өчен шелтә белдергәнен аңламый.

– Җырласа ни булган. Беренчедән, Филүс кебек югары сәнгать осталыгында Хәйдәр абыйның җырларын яңадан кайтарып башкару өчен рәхмәтле булырга кирәк. Икенчедән, Хәйдәр Бигичев үзе иҗат иткән җырлар түгел бит инде ул, - ди.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла