Фирдүс Тямаев Уразова белән Юлъякшин низагы уңаеннан мөрәҗәгать яздырган - видео

9 октябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: www.instagram.com/firdustamaev_official
 "Минем җырларымны бүгенге көндә кем генә җырламый", - ди Фирдүс Тямаев.

«Гүзәл Уразова, Радик Юлъякшин! Без тиз арада уртак фикергә килгәнегезне өмет итәбез», дип яза Тямаев.

  • Гүзәл Уразова белән Радик Юлъякшин арасында «Красивая, хороший» җырына бәйле низаг килеп чыкты.

«Күптән түгел генә коллегаларыбыз арасында тавыш килеп чыкты. Матур түгел, пычрак сүзләр яктылар», — дип башлый сүзен Фирдүс.

«Мин Радикны хөрмәт итәм. Үзенең стилен табып, бүгенге көндә яшьләр белән эш итә. Стадионнар җыя. Без шатланып кына торабыз. Гүзәл Уразованы мин 2008 елдан бирле беләм. Мин Гүзәлдә алып баручы булып эшләдем. Татарстанның атказанган артисткасы, өч бала әнисе. Бер-беребезгә шундый пычрак сүзләр ягып, тамашачы алдында үзегезне пычратып яткач, бу бер дә матур әйбер түгел. Тиз арада уртак тел табарсыз дип уйлыйм. Минем җырларымныбүгенге көндә кем генә җырламый. Өч ел элеккеге җыр өчен бүгенге көндә кабынып, шундый сүзләр әйтү матур түгел.

Комментарийларны карап барабыз. Җырчының җырын ошатмасаң, нигә аның шәхси тормышына кагылып, аны үртәп, начар сүзләр язарга? Без, татар милләте, бер-беребезне пычратып ятабыз икән, бездән башка милләт көләчәк кенә. Милләтне, республиканы нигә бутарга? Дус яшәдек, шулай дус яшик. Минем йөрәгем әрни. Артист белән артистны чагыштыру кирәк түгел. Һәр артистның үз тамашачысы. Без, артистлар, дус яшәрбез дип өметләнәм», - ди җырчы видеомөрәҗәгатендә.

Инстачылар Фирдүс Тямаев сүзләрен хуплап язганнар.


  Без Инстаграмда

Фикерләр








Социаль челтәр йолдызлары

ТР мөфтие Камил хәзрәт Сәмигуллин: “Гашыйклар көне" - әхлаксызлыкка корылган, ул зина кылуны, никахсыз тормышны хуплауга китерә”

Бүген яшьләрнең көтеп алынган бәйрәме - Гашыйклар көне. Әлеге бәйрәмне икенче төрле Изге Вәли көне дип тә йөртәләр. Гашыйкларны кавыштырып йөргән монах Валентинның исемен шулай мәңгеләштерә халык. Тик бәйрәмнең татарлар өчен, төгәлрәк әйтсәк, Ислам динендәге татарлар өчен бөтенләй хас булмавы турында уйланучылар сирәк. ТР мөфтие Камил хәзрәт Сәмигуллин әлеге бәйрәмнең рухи эчтәлеге әхлаксызлыкка корылган, ул зина кылуны, никахсыз тормышны, хәтта бер җенес вәкилләре арасындагы мөнәсәбәтләрне хуплауга китерә дип саный. Бу хакта ул үзенең Инстаграм челтәренә язган.

Социаль челтәр йолдызлары

Азат Фазлыев әнисен дәвалауга җыелган акчаларны авыру балаларга тапшырган

Җырчы Азат Фазлыевның әнисе Зөлфирә ханымның яман шеш авыруыннан интегүе һәм Төркиядә дәвалану узганы турында язган идек. Төркиядә табиблар Зөлфирә ханымга сөяк мие күчереп утыртырга тиешләр иде. Азатның әнисе клиникага барып, диагнозын раслады, беренче дәваланулар алды инде. Чит ил табиблары аңа химия биргән. Әлегә ул өч ай шуны эчә. Бүгенге көндә Фазлыевлар гаиләсе донор көтә икән. Бу хакта җырчы Инстаграмында язган.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла