Гөлназ Асаева Алия Карачуринаны үз исеме белән пиар ясауда гаепли: "Ришатка нәкъ Алия кебек кызлар кирәк"

1 июль 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Ләйлә ХӘКИМОВА
Яшь җырчы Гөлназ Асаева турында төрле имеш-мимешләр, гайбәтләр һаман тынмый. Хәтерләсәгез, күптән түгел генә “Интертат” сайтында Ришат Төхвәтуллин төркемендә җырлаучы Алия Карачурина белән әңгәмә басылып чыкты. Җырчы кыз анда Гөлназ белән аралашмавын һәм Ришатның үзе янында тыйнак кыз күрергә теләвен әйтте. Туры сүзле Гөлназ Асаеваны әлеге сүзләр битараф калдырмаган... Ул Интертатка бу хакта фикерен белдерде.

- Гөлназ, Алия Карачурина әйткәннәр белән килешәсеңме?

- Теләсә нинди, тузга язмаган сүз сөйләүчеләр бик күп инде ул. Элегрәк игътибар итә, бик нык борчыла, уйлый идем. Хәзер җиңел кабул итергә өйрәндем, чөнки эстрадада аның ише әйберләр күп булачак. Һәрвакыт кеше алдында йөрибез бит, кем нәрсә сөйли ала, шуны сөйли инде. Җырчылар арасында да көндәшлек бар, алар да шуңа күрә тыныч кына утыра алмый. Тормышка ал күзлек аша карыйм, артык нерваны бетермәскә тырышам. Сөйлиләр икән, мин алардан алда барам.

Алиянең әңгәмәсен укыдым. Күрәмсең, ул минем исем аша танылмакчы була. Моны кечкенә генә пиар алым дип атар идем.



- Халык сезне Ришат Төхвәтуллинны бүлешә алмый дип сөйли.

- Анысы бөтенләй булмаган, көлке сүз инде. Мин бервакытта да, үз дәрәҗәмне төшереп егетләр артыннан чабып, кем беләндер бүлешеп йөрмәячәкмен. Ришатка карата мәхәббәт хисләрем күптәннән бетте. Ул минем беренче мәхәббәтем булып калды, шул гына. Чынлап та, Ришатка нәкъ Алия кебек кызлар кирәктер.

- Алиягә үз фикеренне әйттеңме?

- Юк, аңа бернәрсә дә әйтмәдем. Андый вак-төяккә игътибар итәргә теләгем дә, вакытым да юк. Күзгә карап, турыдан-туры әйтеп сөйләшкәннәрен яратам. Социаль челтәрдә пычрак атып ятучыларны аңламыйм, бу дәрәҗәңне төшерү һәм үз исемеңне пычрату гына.



Кызганыч, Алия минем хакта бик начар сүзләр яза, беренче очрак кына түгел инде бу. Имеш мин беркем дә түгел, концертларымда заллар җыя алмыйм. Миңа аның смс хәбәрләрен фотога төшереп җибәрәләр, үз күзләрем белән күрмәсәм, ышана да алмас идем. Минем нинди начарлагым тигән икән аңа? Алияне бик нык хөрмәт итәм, тавышы үзенчәлекле, моңлы. Ул башкарган җырларны яратып тыңлыйм.

Нәрсә дип әйтим инде? Алиягә бары тик уңышлар гына телим, киләчәктә минем кебек тулы заллар җыярга язсын аңа.

- Социаль челтәргә начарлык теләп язучылар күп дисең. Нәрсә язалар соң?

- Начарлык теләүчеләр бик күп. Хәзерге заман кызларына шаккатам, нинди начар сүзләр генә язмыйлар. Соңгы арада мине нәкъ менә кызлар “атакуют”. Аларның яратып йөргән егетләре миңа язгач, лайк куйгач, дөнья бетә бугай. Минем ни гаебем бар икән соң? Үзем алар белән беренче булып аралашсам, “флиртовать" итсәм бер хәл. Миңа теләсә нәрсә язганчы, егетләрен тыйсыннар! Барлык проблемалар да кызларның үзләреннән башлана. Никахсыз йоклап йөриләр дә, аннан егетем читкә карый дип зарланалар. Хатын-кыз һәрвакытта да табышмак булып калырга тиеш. Шул очракта егет аны үз ягына каратыр өчен барысын да эшләячәк, ихтирам итеп торачак.

- Соңгы арада үзең дә тик тормыйсың. “Instagram” челтәренә мәхәббәт тулы якты хисләргә бай шигырьләр урнаштыра башладың. Әллә гашыйк булдың инде?

- Барлык серләрне дә чишеп бетерәсем килми, болай да сөйләүчеләр җитәрлек. Әлегә минем өчен мәхәббәт икенче планга күчте, тулысынча иҗат дөньясында кайныйм.


  Без Инстаграмда

Фикерләр








Шоу-бизнес

Шоу-бизнесның "әтисе" Марат Гәрәев үзенең баласы “Барс-медиа”ны ташлап китте: ятим эстрадага хуҗа табылырмы?

“Bars-media” компаниясе егерме ел дәвамында татар эстрадасы өчен эшләде. Әлеге оешманың җитәкчесе Гәрәев Марат Мәүлетович бу көннәрдә җитәкче вазифасын башка башкармаячагын белдерде. "Шоу-бизнес өлкәсендә мин дә, кызым да башка эшләмәячәк", - дип хәбәр итте ул "Ватаным Татарстан" газетасында. Димәк, аның урынына яңа җитәкче киләчәк. Ә яңа җитәкче – ул үзгәрешләр. Компания кайсы якка үзгәрер, “Татар җыры” фестивален нинди үзгәрешләр көтә?

Шоу-бизнес

Нәфкать Нигъмәтуллин: “Җырлап акча эшләмим, җырлау өчен акча эшлим”

“Нәфкать абый, сез бәхетлеме?” – дип сорадым мин Татарстанның халык артисты Нәфкать Нигъмәтуллиннан. “Әлбәттә, егерме биш еллап иҗатым дәверендә миңа тугры калган тамашачым бар. Гаиләм, якын туганнарым, дусларым янәшәмдә”, - диде ул. 

Шоу-бизнес

“Бәйгедә отсаң, барасың”. Чит илләрдәге Сабан туйларына татар артистларын кем сайлап җибәрә?

Җырчыларның инстаграмнарын карасаң, берсе бер чит илдә Сабан туенда җырлый, икенчесе - башка чит илдә җырлый... Шуннан сорау туа: чит илләрдәге сабан туйларына җырчыларны кем сайлап җибәрә икән? Ни өчен кайберәүләр ерак чит илләрдән кайтып керми, ә кайбер җырчыларның чит илгә командировкага бер дә барганы юк?

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла