Азат Абитов Гөлсириннең интервьюсына җавап бирде: "Мин үземне хыянәтче дип санамыйм! Кулымда балдагым да, паспортта печать тә юк!"

15 июнь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Юлия НАСЫЙБУЛЛИНА
Фото: Рамил Гали
Абитов Гөлсириннең "Азат хыянәт итте" дигән сүзләренә җавап бирде. "Мин әлегә өйләнмәгән, беркем белән дә никахлашмаган! Кулымда балдагым да, паспортта печать тә юк. Мин үземне гөнаһлы дип тә, хыянәтче дип тә санамыйм! - дип сөйләде җырчы "Интертат"ка.

- Азат, нәрсә булды сезгә? Гөлсирин белән нигә аерылыштыгыз?

- Дөресен генә әйткәндә, мин аны үзем дә аңламый калдым. Бер-ике көн күрешмичә торган идек, Гөлсирин инстаграмына бер егет белән кочаклашып төшкән фото куйган. Ул егет безнең уртак танышыбыз, безнең очрашып йөргәнне дә белә иде. 

Гөлсириннең инстаграмыннан фото

Бик ачуым чыкты. Гөлсирингә шалтыратам, телефонын алмый. Теге егетне тотып тукмыйсым килде. Башта нәрсә булганын аңламадым. Аннары соң интернетта Гөлсириннең интервьюсын күрдем...

- Гөлсириннең интервью биргәне турында белмәгән идеңмени? Сине алдан кисәтмәделәрме?

- Эшкә баргач, Гөлсирин интервьюда бүген, килми, диделәр. Анда барып мине сөйләп утырыр, дип башыма да китермәдем. Күргәч, артыма егыла яздым.

- Ачуың чыктымы Гөлсирингә?

- Нинди генә, бик каты! Шалтыратам, алмый. Бер ай буе минем белән юньле-рәтле сөйләшми йөрде, смсларга бөтенләй җавап бирмәде.

- Гөлсирингә хыянәт итүең дөресме?

- Хыянәт сүзен сез ничек аңлыйсыз соң? Мин үземне хыянәтче дип санамыйм. Чөнки мин әлегә өйләнмәгән, беркем белән дә никахлашмаган! Кулымда балдагым да, паспортта печать тә юк.

- Азат, Гөлсирин сине дәлилсез гаепләми бит...

- Ниндидер номердан килгән смс дәлил була аламы? Безне аерырга теләүчеләр җитәрлек. Әле йөргәнебезне кешегә сиздермәгән вакытта арага шулай кысылалар иде, хәзер нишләп бетәрбез, уйларга да куркыныч!

- Сиңа кызлар шулай күп язамыни?

- Язалар да, шалтыраталар да. Ләкин һәрнәрсәнең чиге булырга тиеш, минемчә.

- Гөлсирин белән еш талашасызмы?

- Ачуланышкан вакытлар була, еш түгел иде.

- Нәрсә ачуыңны чыгара?

- Гөлсириннең миңа үпкәләсә, югала торган гадәте бар. Телефонын алмый, смсларга җавап бирми, нәрсә булганын аңлатып та тормый. Менә шул мине чыгырдан чыгара. Азат, менә шундый-шундый хәл булды, мин сиңа үпкәләдем, дип әйтеп булмый микән ул?

- Теге егет белән Гөлсирин арасында нәрсә булганын ачыкладыңмы?

- Әйе, күрештек без аның белән, сөйләштек. Хәзер аңлаштык инде, бар да тәртиптә.

- Бигрәк кызу кеше икәнсең. Кызларга да кул күтәрә аласыңмы?

- Хатын-кызга гомеремдә дә кул күтәргән юк, андый түбәнчелеккә төшергә дә җыенмыйм. Кызу кеше булсам да, хисләремне йөгәнли беләм.

- Гөлсирин белән дуслаштыгызмы соң инде?

- Күптән түгел Краснодарга барган идек. Анда миннән качып йөри алмый бит, күзгә-күз карап сөйләштек. Әйе, дуслаштык.

- Димәк, сез тагын бергә?

- Әйе, бергә.

- Теләмичә генә әйткән кебек тоелды. Әллә кабат кавышуга шат түгелме?

- Шат. Мин шәхси тормышымны ачып салырга яратмыйм. Гөлсирин белән йөргәнне башыннан ук яшергән идек. Араны бозарга теләүчеләр, сүз йөртүчеләр бик күп. Минем үземә барыбер, кеше сүзен йөрәккә якын алмыйм. Алга таба Гөлсирингә авыр булырга мөмкин, чөнки ул бөтен сүзгә дә ышана, беркатлы...

- Гөлсиринне яратасыңмы?

- Яратам!

- Өйләнергә җыенмыйсыңмы?

- Әлегә юк!


  Без Инстаграмда

Фикерләр








Шоу-бизнес

Элвин Грейның элекке йөргән кызы Алинә Галимова: “Радикны яратмыйм дип әйтә алмыйм”

Элвин Грей, Радик Юльякшин дип күпме туташлар һәм хәтта ханымнар башларын югалта. Алар: “Радик минем егетем булса иде”, - дип хыялланалар. Алинә Галимова Радикның йөргән кызы ролендә дүрт ел булган. Ничек микән ул Радик Юльякшинның йөргән кызы булу? Алар ничек танышканнар һәм ничек аерылышканнар? 

Шоу-бизнес

“Җырчылар берләшеп эшли алмый, сәламәт көндәшлек бара”: артистлар берләшә аламы?

Башкортстанның атказанган артисты Ришат Төхвәтуллин “Татар-информ” мәгълүмат агентлыгына биргән интервьюсында эстрада җырчыларының уртак проблемаларын дәүләт органнарына җиткерә алырлык профессиональ берлек оештырырга тәкъдим итте. “Татар-информ” агентлыгы “Эстрада җырчылары берлеге кирәкме?” дигән сорау белән артистларга мөрәҗәгать итте.

Шоу-бизнес

“Сез бит популяр идегез!” Элек танылганнардан саналган җырчылар сәхнәдән нигә киткән?

Әле кайчан гына алар татар эстрада сәхнәсенең йолдызлары иде. Һәммәсенеңдә хитлары бар иде. “Шашып-шашып сөяргә син бар, ярый әле син бар җирдә”, “Нигә кердең күңел капкасына...”, “Сөям дип сөйләүләрең ялган бит, ялган”, “Кара малай, карама миңа алай”, “Ява яңгыр ерганаклар буйлап, сулар түгел гуя моң ага”... Хәтерлисезме? Болар, чама белән әйткәндә, ун ел элек популяр булган җырларның текстлары. “Интертат” әлеге җырларны башкарган җырчыларны барлады. Нинди сәбәпләр аркасында алар “йолдыз” булудан баш таркан?

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла