Камал театрында тәрҗемәче, ТНВ каналында «Манзара» тапшыруы алып баручысы Зөлфия Шәмсуарова һәм Камал театры артисты Раил Шәмсуаровларның өченче тапкыр әти-әни булуларын хәбәр иткән идек. Бүген Зөлфия белән сабыйны бала тудыру йортыннан өйгә чыгарганнар. Малай кеше инде исемле дә булган.
«Шәүкәт Шәмсуаров! Исеменә туры килсен җисеме.
Никах көнебездән башлап инде менә 10 ел без Әнсар хәзрәтнең ныклы канатлары астында.
Без Раил белән һәммәгезгә дә бик рәхмәтле. Тәбрикләүләрегезгә әле һаман җавап биреп бетереп булмый. Бәби белән беренче минуттан ук бергә идек. Телефонны кулга алмыйча, бәби белән генә буласым килде. Өченче тапкыр булса да истә калырга тиеш бит инде, нигәдер онытыла шул бәби табу рәхәтлекләре», – дип язган Зөлфия социаль челтәрдәге сәхифәләрендә.
Фото: © социаль челтәрләр