![Җырчы Нурзадә Салават белән яши торган адашы белән танышкан](https://intertat.tatar/resize/shd/images/uploads/news/2023/7/27/b5c9d4fffca7d7e2eadf3cda55b82870.jpeg)
Салават Фәтхетдинов виртуаль дуслары һәм тамашачылары яратып карый торган йорт кошларын даими күрсәтеп тора. Ул күптән түгел Нурзадә кушаматлы тәвә кошы белән таныштырды.
«Бергә ашыйбыз, эшлибез, ял итәбез, йокламыйбыз гына. Исеме – Нурзадә», – дип таныштырган иде җырчы ул вакытта.
Җырчы Нурзадә Салават Зәкиевичның кош-кортлары янына барып, адашы белән танышып кайткан. Видеода күренгәнчә, җырчыга яңа танышының исе китмәгән, ул, борылып та карамыйча, атлавын дәвам итә.
«Кәбестә яратамыни? Нәкъ минем шикелле икән, охшаса да охшар. Нурзадә, иптәш, карагыз инде, кил әле. Менә бит Нурзадә исемле тәвә кошы. Бу кадәр миңа охшагансың син», – дип, җырчы адашын сыйпап та карый.
![](https://intertat.tatar/images/uploads/7406f5100f671996e493b629db1b90a3.jpg)
Фото: © Нурзадәнең социаль челтәрдәге битеннән